【🧐紅酒一定係布根地Pinot Noir 最好? 其實新世界都唔錯嫁🍇】

 

 

Pinot Noir (黑皮諾)係世界知名嘅葡萄品種,人稱為「葡萄界中嘅公主👸」,係最難服侍嘅葡萄品種之一。佢係一種皮薄嘅品種,所以好脆弱,好容易就被黴菌感染。天氣太凍,佢又會熟唔到,啲酒出到黎就得啲草青味,無果香;相反太熱,就會超果漿感,勁唔balance。整體拿捏得唔好,辛苦咗一年嘅心血好容易就血本無歸。

 

普遍飲葡萄酒都會認識『布根地Pinot Noir』,法國Burgundy(布根地)擁有絕佳氣候,獨一無二嘅土壤結構,雖然以單一葡萄品種釀酒但風格最多樣化。布根地Pinot Noir充滿紅寶石嘅色澤,優雅細緻嘅紅櫻桃、草莓香氣,入口甜美充滿果香,口感順滑,有一啲酒莊更會將Pinot Noir紅酒陳年,咁會令紅酒更有深度同層次感,但由於產量極少,品質其高,導致供需嘅問題,令到價格上漲到非常驚人嘅地步。

 

正因為「布根地Pinot Noir(黑皮諾)」慢慢變成一般人遙不可及嘅美酒,好多深愛住「Pinot Noir」嘅葡萄酒愛好者都唯有尋找新世界,成日聽人講「新世界葡萄酒」,究竟喺邊度出嫁?多半出產於傳統產區之外,例如『美國🇺🇸』、『澳洲🇦🇺』、『紐西蘭🇳🇿』、『阿根廷🇦🇷』、『智利🇨🇱』及『南非🇿🇦』等都係新世界地區,而每個地方都各自有各自嘅特色。經過各國釀酒高手嘅一番努力,喺每個國家都搵到最適合種植「Pinot Noir」嘅區域,表現亦十分出色,有啲甚至能夠媲美「布根地Pinot Noir」,接下嚟為大家簡單介紹一吓每個國家出產嘅Pinot Noir嘅不同特色。

 

 

新世界國家—美國出產嘅黑皮諾Pinot Noir 紅酒

 

 

 

美國🇺🇸:Pinot Noir 出產量第二大國家,酒款偏向多新木桶比例,飲落真係會有種美國壯漢嘅感覺,好有力量。

 

Oregon地區出產之黑皮諾(Pinot Noir)紅酒

由於Oregon(俄勒岡州)的緯度與法國布根地相約,因此兩地氣候相似,人稱「美國布根地」。當地由1970年開始種植Pinot Noir,有濃郁草莓、紅莓感,口感圓潤,適飲期較早過布根地好多。

推薦酒款:Domaine Drouhin Oregon Pinot Noir Édition Limitée 2018 (RP94)

 

Sonoma County地區出產之黑皮諾Pinot Noir紅酒

來自加州Sonoma County(索諾瑪縣)的Russian River Valley的布根地Pinot Noir,酒體較其他產區濃郁飽滿,果感集中有力。

推薦酒款: La Crema Russian River Pinot Noir 2017 (RP92)

 

 

新世界國家—澳洲出產嘅黑皮諾(Pinot Noir) 紅酒

 

Tasmania地區出產之黑皮諾Pinot Noir紅酒

澳洲🇦🇺:Tasmania(塔斯曼尼亞)氣候清爽怡人,非常適合種Pinot Noir。呢到出產嘅Pinot Noir紅酒偏向輕盈優雅,以細緻酒體見稱,同樣有布根地黑皮諾的影子,性價比極高。

推薦酒款: Bay of Fires Pinot Noir 2020

 

Yarra Valley地區出產之黑皮諾Pinot Noir)紅酒

由墨爾本市郊Yarra Valley出產嘅Pinot Noir紅酒,酒體好紮實,果香較內斂,連James Halliday都有喺依個地方建立自己嘅酒莊——Coldstream Hills!

推薦酒款: Coldstream Hills Reserve Pinot Noir 2017

 

 

新世界國家—紐西蘭出產嘅黑皮諾(Pinot Noir) 紅酒

紐西蘭🇳🇿:葡萄酒風格偏向潔淨無瑕,晶瑩剔透果香,高酸度,清爽口感。

 

Central Otago地區出產之黑皮諾Pinot Noir紅酒

Central Otago(中奧塔哥)出產嘅Pinot Noir紅酒,飽滿濃郁,果感艷麗奔放,酸度無咁高,酒精度較高。

推薦酒款:Felton Road Calvert Pinot Noir 2020

 

Marlborough地區出產之黑皮諾Pinot Noir紅酒

Marlborough(馬爾堡)出產嘅Pinot Noir紅酒,優雅,口感較輕盈,潔淨無瑕酒體,但不失複雜度。

推薦酒款:Ata Rangi Pinot Noir 2018 (RP94) (私心推廣,試過超正,好有優質布根地黑皮諾嘅感覺)

 

 

新世界國家—南非出產嘅黑皮諾(Pinot Noir) 紅酒

 

Elgin地區出產之黑皮諾(Pinot Noir) 紅酒

南非🇿🇦: 由Elgin(埃爾金)出產嘅Pinot Noir紅酒,偏向柔和,滑身酒體,有士多啤梨、車厘子及泥土氣息。

推薦酒款:Boschendal Appellation Series Elgin Pinot Noir 2018

 

如果想了解更多有關揀選布根地黑皮諾或新世界Pinot Noir(黑皮諾)嘅心得,例如牌子、產地、酸甜度等,又或者想查詢選購嘅事,歡迎向我們查詢。RNG WINE係全港最大嘅網上葡萄酒購買平台,有超過4,000款紅白酒、氣泡酒、香檳、烈酒同日本清酒俾你揀,希望可以為愛酒人士搜羅世界各地嘅最優質美酒。