其實好多葡萄園一年要面對兩次(春天丶冬天)結霜嘅問題。當然春天結霜會比冬天結霜嚴重得多,因為會破壞葡萄,影響收成。咁有咩方法保護葡萄園嘅葡萄?

火把/火爐:用熱力防止冷空氣在葡萄園地面凝結。布根地丶香檳區常見做法。

風扇:用風力加強空氣流動,帶動冷空氣,防止冷空氣凝結。

灑水:將水份灑在葡萄上,表面水份遇到冷空氣結冰並釋放熱力保護葡萄,防止葡萄結冰。

直升機:原理和風扇一樣,直升機在葡萄園上空盤旋能帶動空氣流動,防止冷空氣凝結。成本高昂,富有酒莊常見做法。

當我哋飲緊葡萄酒嘅時候,要諗吓背後嘅農夫投放咗幾多心血保護葡萄。面對住嚴峻嘅環境以及種種嘅問題,唯有好似點起火把咁,保持自己心中嘅一團火,先可以達到目標。