【🇪🇸RNG WINE 帶你遊走西班牙名莊⚜️】

RNG WINE 今次出走到世界另一邊，目的地係西班牙😏但西班牙咁大又會係邊個酒莊呢⁉️就係港人非常熟悉西班牙國寶級酒王同時亦有西班牙 Latour 之稱『Vega Sicilia⚜️』，係一個國寶級酒莊，今次有幸被獲邀請到Vega之餘更包括旗下酒莊參觀，心情非常興奮到爆🔥相信葡萄酒友絕對都係非常想親身到唔同酒莊體驗當地一下🍷可以觀摩葡萄園壯麗景觀，一片廣闊藍天葡萄園，古色古香當地建築🏛令人讚嘆不已😯

但最期待當然到酒莊觀賞到整個葡萄酒生產工藝過程，酒莊華麗設計，大量儲存酒莊之內稀世珍品💪🏻第一身體驗當地葡萄酒同美食文化，每一代人努力傳承依一份手藝，事不宜遲出發啦‼️

 

旅程第1️⃣站: Oremus

旅途第一站率先抵步到「Tokaj Oremus, Hungary」，被法王路易十四親封稱為『王者之酒』酒莊，酒莊於1️⃣9️⃣9️⃣3️⃣年就正式與西班牙酒王「Vega Sicilia」合作🤝加入酒莊主經驗之外，額外注入滿滿資金，使酒莊釀酒技術大大提升，但其他方面依舊遵循傳統風格

聽完簡介之後，即刻起步到葡萄園參觀，當中兩位外籍人士「Norbert」&「Robert」帶領住我地參觀，葡萄園方面參觀左「Petracs Vineyard」，而Patracs只係酒莊其中一片葡萄園，酒莊一共有1️⃣1️⃣塊葡萄園，葡萄園係位於歐洲中心，屬大陸性氣候，位於河流支流之間，濕度高，加上溫差，培養貴腐霉就一流，亦因此打造出世界頂尖甜白酒😏而Patracs 係佢地一塊Single Vineyard，種植Furmint 白葡萄酒，酒莊不單單甜酒出色，陸續推出Dry 身白酒款，慢慢受葡萄酒友青睞✨能夠望住依片一望無際葡萄園，藍天白雲品嚐住Oremus白葡萄酒，別有一番風味🔥感受大自然神奇同奧祕，如何由一粒種子變成一串葡萄釀製出一瓶瓶葡萄酒🍇

Oremus 依邊最開心係可以到酒莊傳統地窖參觀加品嚐一下 Oremus 精緻甜白酒，當中更可以見識到高年份珍藏，終極陳存可以追溯到20世紀初，非常驚人😱全部都完全靜止陳釀，有啲超舊年份甚至包裹住霉菌，十分神奇，但依啲先係最正😏真係忍住想買返支💸，品嚐完西班牙神級甜白酒就要起行到下一站「Rioja」，參觀下一個Vega旗下酒莊👀

 

旅程第2️⃣站: Macan

緊隨其後就由「Budapest」轉機到「Logrono, La Rioja」，一落機就轉到「La Canoca Vineyard, Rioja」探訪酒王Vega Sicilia 加法國 Rothschild Family 合力打造 Rioja 酒莊「Benjamin Rothschild & Vega Sicilia Macan⚜️」，依個酒莊同上一個Oremus 非常唔同，係一個非常現代化酒莊，非常之富麗堂皇，擁有驚人庫存量，超精美存酒室・裝潢同展視櫃😱令人目不暇給👀

 

驚人存貨量👀

與其他Rioja 產區進行Tasting，完全感受到Macan 實力

古色古香酒店🏨

 

參觀完更品嚐到酒莊最新年份葡萄酒🍷莊園Tasting 都非常專業，會將同區酒莊一齊進行Tasting，從而令我地最直接地感受到自家酒莊風格上嘅不同，據酒莊透露Macan 酒款風格會有重大改格，大力提升葡萄酒酒品質，希望成為「Rioja」區之中頂尖酒莊🤩大家記得密切留意住Benjamin Rothschild & Vega Sicilia Macan之後最新釋出嘅年份😏我地就真係試過，真係好好飲🤤

 

旅程最後第3️⃣站: Vega Sicilia:

最後一站就係今次旅程最期待酒莊「Vega Sicilia」，率先參觀Vega Sicilia Pintia 葡萄園，體驗一下Green Pruning，真係唔可以睇少種植依門技術，一啲都唔容易，好考經驗同技術😫

之後就到酒莊內進行垂直品飲好幾個Pintia 新年份😋係Pintia 熱完身之後就正式轉場到酒王大本營「Vega Sicilia」，係酒莊入面享用Lunch 加上品嘗到「Vega Sicilia Unico Reserva Especial」🤤唔知係心理作用定咩，係酒莊當地飲特別好飲😆

 

食飽當然要散散步，酒莊人員帶我地參觀酒莊內設備，釀酒設施非常先進現，各方面管理都非常嚴格，無論係發酵過程時間長短，溫度管理都有專人負責，團體十分強大，其後有幸見識到「木桶工場」，Vega Sicilia 不但自家完成釀酒過程，以至木桶製作都係一手一腳完成✅每個木桶都係由自家團隊加上自家工場完成，觀摩到整個製作過程加上一系列熟成中嘅葡萄酒，據說一桶已價值百萬港元💵

旅程最後獲邀出席「Vega Sicilia」數百人團隊團隊 San Isidro Celebration，大家都非常高興互相交談，跳舞飲酒🍻，氣氛相當融洽🤗是次旅程最後係一個樂也融融氛圍下結束🔚亦希望依次小小分享，可以令大家感受到當地人葡萄酒文化同熱情，令一眾愛葡萄酒酒友都可以持續燃燒依份愛🔥