識飲酒唔代表識品酒！兩者有咩分別？分別在於你有冇留心葡萄酒俾你嘅訊息！葡萄酒嘅色丶香丶味千變萬化，每支酒都有自己嘅性格，有系統嘅品酒絕對可以提升我哋對萄葡酒嘅認識以及感受。品酒四個基本步驟：
 
第一步：睇顏色。用白色底做背景，將酒杯斜放，觀察酒體正中以及邊緣嘅顏色。隨着陳年，紅酒顏色會愈來愈淺色，白酒會愈來愈深色。
 
第二步：聞香。香氣一共為有三層，第一層（Primary）屬於葡萄自身香氣，例如紅黑果香；第二層（Secondary）屬於釀酒技術加入嘅香氣，例如木桶香；第三層（Tertiary）屬於陳年所產生嘅香氣，例如皮革或蜜糖香。
 
第三步：飲。味道跟香氣一樣有三層，但由於人嘅鼻較舌頭靈敏，因此葡萄酒往往有「聞香過飲」或者「舌頭感受唔到某種香氣」嘅感覺。
 
第四步：思考。呢支酒結構完唔完整丶有咩香氣/味道丶涉及咩特別嘅釀酒技術？總結一次，不但可以了解多啲支酒，亦都可以了解自己中意咩酒。
 
後話：由於香氣/味道層次複雜，會於另一個 Post 再解釋。大家飲酒時不妨用紙筆記低感受，練習下點樣分析一支葡萄酒。
 
最新葡萄酒優惠：https://cutt.ly/inoudNA
 
RNG WINE 部落格：https://cutt.ly/knoujBF