好多葡萄酒，尤其係優質嘅葡萄酒都會用木桶陳年一段時間先推出市面。基本上，好嘅木桶能夠提升葡萄酒嘅質素：不但可以添加味道（香草，丁香，香料，焦糖，甜味，煙熏等），更可以提升結構同陳年能力丶穩定單寧同酒色。但其實木桶都有分幾種，各有特色，適合唔同葡萄：
 
法國橡木（Quercus robur / Quercus petraea）： 非常適合用於優質葡萄酒。同其他橡木相比，法國橡木傾向以更細微嘅方式添加風味。Pinot Noir 和 Chardonnay 係理想嘅配搭，佢哋比其他品種更容易吸收法國橡木風味。
 
美國橡木（Quercus alba）： 葡萄酒專家經常將美國橡木風味描述為蒔蘿、椰子同香草味。美國橡木為好多果味濃郁嘅新世界葡萄酒增添咗結構。
 
匈牙利/東歐橡木（Quercus robur）： 好多釀酒師中意將佢用於酒體強勁嘅品種，例如 Malbec 同 Petite Verdot，佢地相信品種嘅強度足以承受木材賦予嘅濃郁堅果味。