【🍷 農曆新年菜餚小食美酒配搭攻略🔥】

2023-01-17

【🍷 農曆新年菜餚小食美酒配搭攻略🔥】

又到一年一度農曆新年，兔年將至，疫情亦將終結，一家大細終於可以出外食飯慶祝新年，聚首一堂一齊大飽口福😋，高興日子點少得美酒配美食，經常都有朋友會問，新年菜餚應該點配搭🧐特別係蘿蔔糕，賀年年糕以至盆菜等等，立刻為大家簡單配搭一下🍷新年揀酒就不會失手

蘿蔔糕

一般蘿蔔糕都有臘肉，都會建議選擇『Pinot Noir』或『Chardonnay』，大家可以試試選擇美國Pinot Noir 或 Chardonnay ，酒體相對濃郁飽滿，果香感十足，選擇Carneros產區就非常不錯，更多一份優雅細緻，亦有充分酸度，配油膩香口蘿蔔糕非常適合，兩者都不會失色，你會不知不覺愈食愈多

推薦酒款:

HDV Ygnacia Pinot Noir 2016 (JS95)

HdV Hyde Vineyard Chardonnay 2018 (RP95)

賀年年糕

年糕寓意步步高昇，所以是不能缺席，但年糕有很多款式：先蔗汁或椰汁年糕開始，這類年糕會建議德國『Riseling』，香氣四溢，活潑而具層次，酸度高加上微甜，帶蜜糖熱帶水果香氣，配上年糕可減甜膩感，同時帶出更多果香及蜜糖

乳豬

乳豬寓意鴻運當頭，非常百搭，可以配『香檳』・『紅酒』・『干邑』・『威士忌』都無問題，甚至連『Rum酒』，都無問題，大家記得整返隻乳豬，襯依款甜美Singlon Sherry，不知不覺就會飲多了，覺得太高酒精同辣，可以選擇另一款法國香檳，充滿紅色水果香氣，充沛酸度解乳豬油膩感，感到完全沒有負擔

Charles Heidsieck Rose Reserve NV (RP93)

芋頭糕

這款年糕亦經常出現，相對較濃郁重味，非常適合配Medium Bodied 到 Full Bodied葡萄酒，大家可以不妨試下『Rhone Valley』，這個是法國第二大產區，酒款多以紅櫻桃，布冧，紫羅蘭花，甜香料能提升芋頭鮮味，而且酒款性價比都好高，飲多兩支都不傷荷包

煎金蠔

煎金蠔寓意發財好市金銀滿屋，除了配葡萄酒更可以配日本「大吟釀」清酒，清酒本新配海鮮已經是非常出色，因為日本當地都有好多海鮮料理，而清酒可以達到一個極致提鮮效果，令蠔鮮味蜂擁而出，亦突出清酒的果香同米香感

推薦酒款:

櫻正宗干支卯金箔入大吟醸720ml　(禮盒裝)

盆菜

盆菜建議大家配干邑，因為盆菜當中食材豐富，有花膠，鮑魚，瑤柱，冬菇，蠔豉，燒鵝，鵝掌等等，而干邑香氣撲鼻，橙花，雲呢拿，乾果，甜香料，昇華干邑乾果香和辛香料層次感

推薦酒款:

軒尼詩 V.S.O.P CNY 2023 新年限量版