一個完美嘅Friday Night點少得一杯靚酒，有一杯靚酒當然要有美食配搭先得啦！但唔同嘅酒有唔同嘅特性，用嚟搭配嘅食物都會唔同，想知咩嘢食先係同你果支美酒係絕配？即刻睇落去啦！

 

1．紅酒

味道較濃嘅紅酒一般同紅肉類嘅菜餚更加配合，一杯靚嘅Cabernet Sauvignon牛扒絕對係你一個不敗嘅浪漫晚餐配搭，Bordeaux就同小羊扒最襯！或者唔係咁鍾意紅肉嘅話，醬汁濃味嘅食物一樣好襯紅酒！但係唔同嘅紅酒會有唔同嘅特性，未必全部都襯一樣嘅食品㗎！

 

2．白酒

白酒果味濃，比如用Sauvignon Blanc配搭生蠔或其他海鮮魚類貝類一樣非常適合！

 

口感輕快嘅Riesling可以同濃味菜式一齊品嚐，例如墨西哥菜同印度菜，香甜嘅果味同較高嘅酒精含量，可以更好咁帶出濃郁香料嘅香辣味道。

 

3．香檳及氣酒

香檳同氣酒因為口感清爽輕鬆，相當適合Creamy嘅食物或者海鮮！用軟芝士，例如Brie搭配香檳輕呷，可以用香檳嘅酸味平衡返芝士嘅膩。

 

喜歡甜嘢嘅話你都可以用有水果嘅甜點搭配，例如係果撻。

 

4．威士忌

酒精度更濃嘅威士忌出乎意料咁同甜品非常襯，例如Macallan香甜又帶有雲呢拿嘅口味就會同朱古力心太軟之類嘅甜品好夾！

 

 

酒當然唔只上面所講嘅咁少啦，想知更多有關酒類嘅小知識，即刻留意我哋嘅Facebook，或者聯絡我哋啦！